افتل ولكن مـن يفـك القيـودي
ونقض حجر جبل شمنصير كلـه

والون مايعني أنتماي سعـودي
الله يضلل من جلسنا بـ,ضلـه

قلبي خضر لو اتعدى الحـدودي
واللي على الخاطر ارجولي تصله

شاعر ومعاني انسكب في ردودي
والهرج ماثبَـت بـدون الادلـه

الي ذكرت اللي رحل من جدودي
اللي ركايبهم عليها الاهـل لـه

ماني بمتوجد عليهـم وجـودي
من حبهم مرضى عليهم مذلـه

ماهي فعايلهم بروق ورعـودي
تشاف تسمـع والوطـا ماتبلـه

هـذا فعايلهـم جبـال ونفـودي
النفـد زامـي والجبـل ماتهلـه

تعال قلي ليش صايـر جحـودي
قدمك مازالـت سنعهـا تزلـه

الجبن يسكن وسط قلب الحسودي
وألا الشجاعه من خلقنـا جبلـه

ماخافت ألامه نصارى ويهـودي
خافت من اللي هات شاهي ودله

الي مشى يركب على رنج وأودي
والي جلس متربعٍٍ وسـط فلـه

أبختصر وحفظ في بنكي نقـودي
ولالي في كثر الهرج دقله وجله

اموت ويدي ماتجـرح اخـدوي
والسيف في قسوة حبيبي ماسله