للتواصل في الاخوة في هذا الصرح الشامخ

ارجوا ان تشفع لي في غيابي

[poem=font="Arial,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياساجنن حزني بشعري والاحساس = قلي متى المسجون تخلي سبيلة
عجزت اجاوب عن سوال اكثر الناس = ليييه السعاده في قصيدك قليلة
أوقد شموع الوصل في عتمة الياس = اللي ورا قضبان صدري نزيلة
كملي سنه ماهب للقرب نسناس = وهجرك وبعدك بالتعاسه كفيلة
لاحت بروق الشيب فالدقن والراس = والحزن حكم الوقت عيا يزيلة
من كثر صبري للوفا صرت نبراس = صبرا برا هدف الضلوع النحيله
لا جيت ابنسى قال حكم الزمن قاس = يا نعمة النسيان وشبك بخيله
والوصل بستان الغلا والجفا فاس = يقص فأغصان الغرام الظليله
أنفض غبار الحزن يا ظبي الاطعاس = وجدد لنا ذكرى السنين الجميلة
لجلك قدم رجلي لجسر الشقا داس = تسوقه الذكرى وقلبي دليله
يبحربي التفكير مع كل هوجاس = واجيك عاني والمسافه طويله
لكن ياغلا الناس صورت للناس = قاتل ويمشي في جنازة قتيله
[/poem]


وسلامتكم/ عواض بن سالم العازمي

من دون الاحساس كيف الشعر وبحورة
غصنن كساة الجفاف وطاحت اوراقة
والشاعر احيان لو يكتب عن شعورة
يكتب شعور الوطن ويترجم اشواقة