وليد العمودي

الى وزير الداخليه السابق المستشار الشيخ/
محمد الخالد الصباح المحترم
يامحمد الخالد ابد ما نسيناك
ذكرك وصيتك كل يومٍ وليله
دايم على بالي خيالك وطرياك
يابو الفعول الطيّبه والجليله
الكل يذكر فعلك وطيب مجناك
مواقفك جزله وتبقى جزيله
ياعز منهو جاك في يوم ينخاك
يلقى المعزه والكرم والفضيله
وقليل منهو بالتواصيف شرواك
يفدونك اصحاب اليدين البخيله
وكثير منهو يختلف عن مزاياك
يانادرٍ فيك الصفات الجميله
من طيب تاريخك ومن طيـب مـرباك
تتذكـرك كـل الـرجال الاصـيله
ناكر وجاهـل مـن نسـى يوم ذكراك
تبقى وتبقـى دوم راع الطــويـله

الشاعر / وليد العمودي