في ظل أبو متعب عسى ايامه سنين

متكاتفين وباذلين الجهودي

نعم سوا سوا تحت راية الدين

أخوان ونضد العدو اللدودي

وحنا على الدين الحنيف متربين

والدين ما يسمح بنقض العهودي

وعهدن علينا ما نخون السلاطين

أخوان نوره جعلهم فالوجودي

على العهد باقين باقين باقين

والشك زايل والمواقف شهودي

وحنا فدا لتراب دار الحرمين

بالروح نفداها وعنها نذودي

على أرضها عشنا عزاز وغنين

وإلنا الفخر فالإنتماء السعودي

حنا سعوديين حنا سعيدين

حنا هل الطاله ونرقى سنودي

أبناء وطن وإخوان فالعسر واللين

وفينا التلاحم كل لحظه يزودي

لا ما يفرقنا كلام الحسودين

والعود في عين الضعيف الحسودي

وتسلم وتبقى ياطليق الحجاجين

ياللي مقامك فاق كل الحدودي

عوق الخصوم ومغني المستحقين

خادم بيوت الله وحام الحدودي

دمث الجناب وعطر الأشناب وذهين

ومع ساير العالم نباك محمودي

وحنا ترانا معك ياسيدي لين

أجسادنا توضع بوسط اللحودي

s-2a@hotmail.com