|
انكسار الضو ماهو بنكسار
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اكثر الحاجات جايز تختصرها=واللوازم ما يجي فيها اختصار
والحواجز واجد اللي قد كسرها=وانكسار الضو ماهو بنكسار
يبني الدار البنادم ويعمرها=ومنتها بني البنادم لدمار
والاوادم لو توافق في نظرها=ما قصر شوف ونظر شقر الحرار
الليال البيض ما يخفى قمرها=والقمر ضوه على شمس النهار
كان ضقت من البواخر يا بحرها=خل موجك يصفق ايمين ويسار
والدرر منته بقادر تحتكرها=مالها من خلقت الدنيا احتكار
ومن بغاله سكتن عسره عبرها=جازمن عازم على نفس المسار
ولا يهوم الكايده من لا قدرها=والزمن ما يقصر طوال العمار
والزهور من العمار اقطف ثمرها=وخذ ثمرت العمر من دارن لدار
زيد روحك زادها قبل يعسرها=وانت مخلوقن مواخذ منت ثار
وضيم بقعا من زعل يقف ابنحرها=كم عزومن جاه صدمه ونهيار
كل روحن فانيه تسمع خبرها=في مجال الموت ما فيه اعتذار
قد خذا روسن تهيب من سطرها=جل من حدد للارواح القرار
درب فيه الناس ما تقتص اثرها=وللمنايا لا دنا الموت احتضار
من تهقوا بهادم الاذات وارها=الحلا مادام دايم والمرار
والشراره جاهل الناس يحقرها=والمثل ما خوذ من روس الكبار
المقابر لا غفلت اشوي زرها=من مجال السابقين اخذ اعتبار
وان حصل لك حلقة الذكر اتحضرها=ما على هذا والا هذا غبار
عل نفسك مع هل الذكر يحشرها=والملا تحشر على جنه ونار
ابرك اشهور السنه هذا شهرها=له مع اهل الخير لهفه ونتظار
مبلغ اهل الزاد كان الله ومرها=ومن جهل فضله يقول اليوم حار
ولجل شهر الصوم مجبور اختصرها=واهل التوحيد للحاهم وقار[/poem]
|