أخواني وأخواتي مرتادي هذا الصرح الشامخ الذي لا يجمع إلا كل حرٍ نادر
السلام عليكم ورحمة الله وبركاته . .
أرجو من الله العلي القدير أن تكونوا في أتم صحة وعافية وأن يجعلني وإياكم من عتقائه من النار في هذا الشهر الفضيل ،، آمين .

(هذه قصيدة منبرية تشرفت بإلقائها في حفل الشيخ / أحمد بن غزاي الشيب)

قدام لا خذ مع قصيدي جوله=ابدا بذكر الله قبل اقوله
ابدا بذكره وانحني واسجد له=خالق جميع الكون عرض وطوله
سبحانه المعبود جل وتعالى=وصلى الله وسلم على مرسوله
والشعر حياني وانا حييته=يا مرحبا وزيارة(ن) مقبوله
يسمو بفكري واعتني بحروفه=وكوّنت له في وصط صدري دوله
وشعر(ن) بلا ميقاف ماله داعي=يعني بدون مجاملة وشهوله
والشعر قد(ن)لي وانا قد(ن)له=يشوش راسي كل ما صاحوله
ماني وانا محمد بقاطع ساقه=ولا هو غريب الشعر يوم اقوله
انا وريث الشيب راع المعنى=قصايده دايم تجي منقوله
فرايد(ن) يطرب لها سامعها=جزل البيوت اللي تجي مفتوله
عامر ولد عالي وعالي جدي=متوارثين الشعر حسب اوصوله
متوارثينه كابر(ن) عن كابر=يومن بعض الناس ما هم حوله
وانشد عن مدغلب وتلقى قولي=ولا خير فاللي ما يثبت قوله
العرف فينا من زمان(ن) فايت=الشاهد الله والعرب شهدوله
شيبان والشيبان ضلع(ن) نايف=واللي يطاول ضلع كيف يطوله
وكل الجماعة ما عليهم قاصر=كلن على الطالة يعن خيوله
متسلسلين(ن) من جري منسبنا=حر(ن) ينومسنا جزال فعوله
وباسمي وباسم احمد وكل اخوانه=يامرحبا ترحيبت(ن) مدبوله
باللي حضر من كل فج وديره=واللي عنو للحفل حتى جوله
من طيب ابن عمي وطيب ربوعه=بعد دعاهم كلهم حضروله
هذا وانا عندي كلام(ن) ثاني=تسمعو لي زين ثم اصغوله
واحلُل إِلهي مِن لِساني عُقدة=لِيفقهوا كُلّ العوارف قوله
أعرف بأَنّي لستُ شاعر فُصحى=لاكن فصيح الشعر جائز قوله
ياصحابنا ياهل الوفا والهمّه=ياربوعنا ياهل الشرف والطوله
ترا تكاتفكم يغيض اعداكم=سيوف فنحور العدا مسلوله
وترا تفرّقكم يسبّب ذلّه=ولا خير في قوم(ن) تجي مذلوله
سيروا على نهج النبي واصحابه=أوامره وتطبقون افعوله
ولا تسمعون هروج راع النمة=اللي على الفاضي يدق اطبوله
واهل الحسد والكذب واهل الغيبة=على بلاط الشله المشلوله
لو انهم قالوا وزادوا قالوا= وش لي بقول(ن) باطل(ن) مفعوله
إذا أتتكَ مذمَّتي من ناقص=فاشهد بِأَنّ اوضاعنا معدوله
وعلى الذي وضّح دليل الامة=صلّوا عدد نوّ(ن) يهلّ ثعوله

وسلامتكم ، ، ،