[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يستاهل اللاند كروزر والله الواقي=لاسقت له ماورى المخبى ومادونه
شيخ المواتر سفير العالم الراقي=زود على مميزاته فارق ٍ لونه
أسطب لكزس ماهوب أسبير علاقي=وباقي وصوفه جماهيره يعرفونه
أبيه لاقفّلت بالشيش الاخلاقي=عرّضته الخط لين يجيب طبلونه
وألاّ لقدني على المنهاج مشتاقي=وشفت البلد ضاق والاوضاع مشحونه
حمّلت مازان للطرقه ومالاقي=ماهيب حاجات أبو جبنه وزيتونه
عزبة كرام اللحى وأصحاب الاذواقي=ماحافها اللي يحط الكحل بعيونه
وخوة نشاما توسّع صدر من ضاقي=ونفوسهم للخويّ الكفؤ مرهونه
وضرَبت فج ٍ طريقه صعب وأرهاقي=منزاح وأهل العوايل ماينوشونه
وأرضه مايندلّ فيها كل سوّاقي=وأنا الدليله وأنا مدرج دركسونه
مادام للمفخره في الارض عشّاقي=فأنا من اللي يعشقونه ويهوونه
[/poem]
|