|
/.. { بعـًٌُُّْثرٍَهـٌ , (ج)
.
إرتجاليه لم يتجاوز عمرها 40 دقيقه ..
المخاوى لا انتهى كنـه فتيلـه
........................ ينفجر والا ماتلقـى لـك بديلـه
الله انه لايعيـد الصاحـب اللـي
........................ لازعل من صاحبه ينشر غسيله
جاب كل علومـه وسـرّه وزوّد
........................ فوقها ليـن مايفـرث حصيلـه
الردي لو طال راسه لو يحـاول
........................ ماتعدى مستوى ماطـى رجيلـه
والله ان المشكلـه منّـا وفينـا
........................ نعطي الرديان حمـلٍ ماتشيلـه
مير وينك يافهيد اللـي ينومـس
........................ لاتحيـزم للمصيبـه والثقيـلـه
صاحبٍ لو بار وقتـي ماتأخـر
........................ يقتضي لي من علومٍ مستحيلـه
وين أبلقى لي سواة فهيد واحـد
........................ اتعنى لـه بسـرّي واشتكيلـه
راكب اللي في وقوفه وإبترامـه
........................ هيبة الشيخان وشيوخ القبيلـه
دوجٍ اسود كن في تالي جنوبـه
........................ ردف خيلٍ من مرابطنا الاصيلـه
ولانطحك تقول عيـن بـوارديٍ
........................ عقّـد حجاجـه وتكّـى للفتيلـه
المكينـه والمبـادي والمزايـا
........................ ماتجي في أيات موتر من موديله
يطوي الخط الطويل ليا الحجازي
........................ مايوقف غير في جـده مقيلـه
ينعرف منزل فهيد من المنـازل
........................ ينعرف والله لو مانتـب دليلـه
ادخل المجلس وحب الخشم عني
........................ حبةٍ ماهيب توفي مـن جميلـه
واعتذر لي منه لو قل اتصالـي
........................ وعلمه صاحبك ماينسى عميلـه
مير يزهمني ليـا حـده زمانـه
........................ اتفرغ له من اشغالـي واجيلـه
الرجال اللـي يعـزون الرفاقـه
........................ مايبـون الا مـوارد سلسبيلـه
اترك عيال الحريم اللي تسولـف
........................ شيخ لكن شيخته عنـد الحليلـه
بان فيه الشيب وعلومه رديـه
........................ والرديـه ماتحـول مـن شليلـه
اللي مايعرف سواة فهيد واحـد
........................ عزتـي للـي سواتـه عزتيلـه
|