|
لبيــــــــــــــــه
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لبيه ياصوت يناديني ولبا نبرته=لبيه يانبض الخفوق اللي معك سريرته
لبيه ثم لبيه من قلب الحزين وعبرته=لبيه ثم لبيه من فكر سبح في حيرته
لبيه يامن جعلني فدوت مواطي جرته=لبيه ياعود يشرفتا نبا مسيرته
عود بنا للمجد تاريخ وبعيد نظرته=العز بندق سيدي والمرجله ذخيرته
والطيب طبعه والشهامه والكرم من فطرته=ستر الدخيل ومالتفت وراه في قصيرته
الوافي الشهم الكريم اللي ما بار بعشرته=ولا اشتكو الجيران من شينته وملو جيرته
خمسة عشر عام وهو مقعد مافارق حجرته=فقد نظر عينه ولاكن مافقد بصيرته
عود تغشته السكينه راضي في قدرته=صبر على مكتوب خلاف العباد وخيرته
في ذمتي مايسمعون بظلمة الليل اسرته= الا صد تسبيحته تهليلته تكبيرته
الله يجيره من صواديف الزمان وعثرته=والله يطول عمر ابوسالم ذخر عشيرته
والظاهر انها طالت الغربه وطالت هجرته=وان كانه اشتاق لبني عمه وحن لديرته
يبشر بعزه كلنا طوعه ومن تحت امرته=وانا شبابه في المشيب وعطر االله سيرته
ياغبن عين الحازبي من ماجرا ياحسرته= والامر ياسلطان مالك خير في تاخيرته
ولخاسر اللي فتنة الدنيا الدنيه غرته=مفتون في حب الحياه وظهرت مريرته
وابوه وامه مالهم نصيب في مبرته= واكبر طموحاته بها الدنيا رضا عشيرته
يابو رفا هذا صدى الصوت الحزين ونبرته=وخوك ياشهم النبا بيح خفا سريرته
[/poem]
|