[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
علمت بعلومي على حيد مركاي = ما جابته لحظات من ذكرياتي
مرت على الخاطر مع الرايح الجاي = ولو قالوا العقال ما فات ماتي
أقول يا مالي حياتي ودنياي = يا دجلة احساسي وصفوة فراتي
عيني مداها راي ما يتبعه راي = ونفسي هواها ما يمثل غناتي
وليا شعرت بعمق شربي ومضماي = من سكة منها وفيها حياتي
جلست اعد اخطآي لو كثرت اخطاي = وسامحت نفسي عنك من طيب ذاتي
وجلست ارحب فيّ واكرمت مثواي = وعددتها لرضاك راحت وجاتي
الأوله يا مرحبا بي وملفاي = على وصالٍ منك يا مغرياتي
والثانيه فيك أنت لو زادت أخطاي = مشي وتعب , قدرتها بأمنياتي
اعطيتك الراحه وراحتك بأرضاي = وارضيتني لو كان ما قلت هاتي
غنيت لك لين اتعب النايح الناي = وضميتك بصدري وحيد العباتي
وسورت لك عمري من اعضاي لأعضاي = وكتبت موجزها بصفحة وصاتي
لو مت عنك اموت ما ماتت اخطاي = يمك ولا ماتت جميع أمنياتي
[/poem]
|