[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بسم الله الرحمن الرحيم

كل عام والجميع بخير

الاستعانه بالله المعبود وحده والرجابه=جل شانك ياعظيم الشان ياجزل العطيه
ياصلاة الله على المبعوث واله والصحابه=عمت افراح البلد بأرجا البلد والنار حيه
عادت اعياد الوطن والخير في شتى رحابه=تحت حكم الله ثم ال سعود والدنيا مديه
والشعر وان ماحفظ حق الوطن وش ينبغابه=لو ملا الديوان والميدان عصم سرمديه
والقصايد لوتشابه والمعاني لو تشابه=الاوله مثل اسمها تحسب لراعي الاولويه
والقصيده قبل لا استحضر هواجيس الكتابه=كان ماوردتها هداج لاتشره عليه
ياهوى خذني من البيدا على متن السحابه=قبل اغنيها على المسحوب وإلا السامريه
وقفتي قدام نبراس الوفا عز ومهابه=راعي الراس الشجاع وراعي الكف النديه
الشعور يهيم في مدحه وفي حضرة جنابه=وإتعجز لاتاصل وصوفه حروف الابجديه
يكفي ان ابيه عبدالله وجده ليث غابه=والخوال إمن السناعيس الحرار الصيرميه
مرحبا ياأمير مشعل بسم دار وبسم لابه=مرحبا مليون في مليون ترحيب وتحيه
مرحبا مقدم سموك بالاصاله والنيابه=مرحبابك ثم بصحبك عد همال الرفيه
ياحفيد موحد الدوله بدعواه وكتابه=من ورا حد الحجاز الى ورا نجد العذيه
يوم كان الامن مافيه امن والدنيا نهابه=والشعوب تعيش في تاريخ عصر الجاهليه
قام بالاسلام مع نبذ التناحر والحرابه=بعد توحيده لربه واطلق خطام المطيه
لين وردها وورد ماورد به وارتوابه=وانتهت فترة قضيه وابتدت فترة قضيه
جا وجاب العز والناموس يوم الله جابه=الجهل ولا وجا عصر التقدم مع مجيه
خلف اللي ثبتوا نهجه بفعل ينحكابه=عندهم شرب المصايب مثل شرب الشاذليه
ولاغرابه يوم جاب الليث ليث ولا غرابه=يوم ابو تركي وابو متعب على طبع وسجيه
هذا ابو متعب حبيب الشعب فزعة من هقابه=اجتمع به قو باس وطيب راس وحسن نيه
هذا ابو متعب عدو الفقر فكاك الطلابه=هذا ابو متعب زعيم العرب مقدام السريه
فاتح قلبه لحب الشعب قبل يفك بابه=قال انا في ذمتي ديني وداري والرعيه
السؤال اللي بلا جابه لقا عنده الاجابه=كم عطا واعفى عسى المردود من رب البريه
وكم دعيناله عسى دعواتناله مستجابه=الولدوالكهل والاطفال والام الوفيه
كل ما اشتدت دعا للخير والصلح وسعابه=همه الاصلاح ماهو يجزي السيه بسيه
وكلنا بالله تحت عفوه ونخشى من عذابه=وكلنا في طاعة المولى وفي طاعة نبيه
وكلنا في طاعة ولاة الامر عزم وصلابه=عن ملكنا عن وطنا نارد حياض المنيه
وكلنا لك ياطويل العمر ترحاب ورحابه=كل يامي كل همداني سعاطير وحميه
ننثني من دونك ونربط على الروس العصابه=كلنا جندك بابو عطفه وحد الحضرميه
الاهالي كلهم بدو وحضر ربع وقرابه=تحت وحدة راية التوحيد وحدتنا قويه
منطقتنا ملبس الاعياد تلبس لك ثيابه=فرحةٍ توقيتها توقيت طلتك البهيه
أنتشى نجران بالفرحه وردد مرحبابه=رد له بالصوت برج المملكه والفيصليه
فيك تحقيق المطالب من نصاك اضحكت نابه=والثقه من خادم البيتين فيك اكبر هديه
والامانه للامين اثقل من إطويق وهضابه=الملك وصاك فينا وانت كفوٍ للوصيه
وسلامة الجميع
[/poem]

نصيحه يالاديب وكل منهوقال انا ناقد=ليامنك نويت بالانتقاد فلان وفلاني
تخاف الله بنفسك لاتصيرالناقد الحاقد=وخل النقد بناءلايكون النقد شخصاني
abofagaia@hotmail.com
حسابي ع تويتر
AwdAbof@