نايل الظفيري

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]







البارحه ضاق من كبر السؤال الجواب=اللي مايشفي غليل ولا يريّح ضمير
كانت همومي دوات وكان حزّني كتاب=وكانت سنيني رياح وصوت وقتي صفير
سافرت في رحلة الذكرى ذهاب واياب=مابين غفّوة ظلال وبين صحّوة هجير
ياما عشان الخطا اعميت عين الصواب= ويا كثر ما كنت اشوف وكان قلبي ضرير
انا اكثر انسان اذّنب في حياته وتاب=وانا آخر انسان مايزّرع على الأرض خير
ماهو غرور وتباهي كثر ماهو عتاب=ولا هو كبر او تعالي كثر ماهو مرير
آمنت بإن البنادم آخره فالتراب=وكفرت با اللي يحطون لإلهي خشير
افتح والايام تقفل للمواعيد باب=ولو ما الأمل حيّ ذكره كان مات الفقير
ماكنت اظنّ الأماني مثل طرّد السراب=حتى عرفت التعب من قبل احثّ المسير
يلّي شبيه السما وإن لاح برق السحاب=بيني وبينك شهق صدر وتأنّى زفير
علّمتني كيف احبّك وأكره الأغتراب=وعلّمتك ان الوفاء بالحب سهل وعسير
ما اقسى من اني اعيش الحزن والإكتئاب=إلا اني آموت من سيف الفراق الشطير
أنّهكتني وانت ماظنّ تْحمّل عذاب=والمشّكله انت الاول بالغلا والاخير
وأخذتني من عقر ذاتي بليّا خطاب=وتركتني بين هقواتي وسوء المصير
خطاك ما تحسب لجرح المشاعر حساب=وخطاي اسهبّت في حبّك وقلّت الكثير
يكفيك عن غيبة حضوري حضور الغياب=لا صرّت شي بحياتي استحاله يصير[/poem]

صبّ المشاعر والشعور الفاخر
واتعب على الفكره وحطّ اللمسه !

وان كان ودّك .. تسمع مْن الآخر ؟
ترى القصيد الزين .. يفرض نفسه !!