نايل الظفيري

يا ليت للبوح عن صمت الشعور إقتدار
ما كان صدر الكلام الرحب ضاق انسمه


الى متى والأمل يبّني بصّدري جدار
واليآس خلف الكواليس انّتفض واهّدمه


لو يسّدل الحزن في وجه الطموح الستار
اخترت طول الصبر طبع وثباتي سمه


يستآحش الليل من صافح كفوف النهار
ويتلذذ الوصل من عانقه واسّتطعمه


بين الشبه واختلافات المبادي مسار
مما ترتب عليه الواضحه مبّهمه


صعّب إنكساري والأصعب لحظة الإنتظار
يا حلّم ابستوعبه ولا قدرت افّهمه


الوقت يكشف ملامح حبّك المستعار
والشعر ينّزف من جروح المفارق دمه


ما اقوى من ان الهزيمه تكّسر الانتصار
الا اني آشوف مسّلم تكّسره مسّلمه

صبّ المشاعر والشعور الفاخر
واتعب على الفكره وحطّ اللمسه !

وان كان ودّك .. تسمع مْن الآخر ؟
ترى القصيد الزين .. يفرض نفسه !!