محمد الايداء المورقي

الله الله الله الله

اهل الدراهم بين لندن وبيروت
بين الرفاهية وزين اللباسي
واهل الفقر يشوتهم همهم شوت
متقّطبين في ظهور التكاسي


ايوالله انك صادق


واهل الختوم تبّدل بشوت ببشوت
والبعض عينه في بطون التباسي
واهل الشعر سوت دواوين وابيوت
واتسابقوا على كبار الكراسي
اللي قصيده من زمّرد وياقوت
قصيدته لاقالها شاش راسي
صم الصخر من حبكة البيت منحوت
ودك يدّرس كل عامٍ دراسي
واللي قصيده غصن يابس ومحتوت
ظفيرة التفكير فيها اللتماسي
اما يقلد واهس عقاب في نوت
شاعر غزل واحيان يقلب حماسي
ولا اقتبس بيتين من شعر بخوت
ولاّ يسوي عبقري وسياسي
الشعر ماهو لعب هندٍ وبيلوت
الشعر له دوله وقصرٍ رياسي
اما سقيت التوت يازارع التوت
ولا تريّح لاتزيد المآسي


اقسم بالله انك مبدع نادرا من يجيد كتابتك قصيده محبوكة السبك

صح لساااانك عليها بيت بيت

تحيتي ,,

لمراسلتي

http://mhaamd.arabform.com