السلام عليكم ورحمة الله وبركاته

ابيات رثاء في ولي العهد صاحب السمو الملكي / سلطان بن عبدالعزيز رحمه الله

واسكنه فسيح جناته ..


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مواري الحزن في صدري وفي عيني=من ليلة السبت لين الصبح وطلوعه
يا نابي الحزن ليت انباك تخطيني=صبحتني بالحزن والضيق واللوعه
لو كان غيري من العالم ملاييني=من فقد سلطان محزونه ومفجوعه
له سيرةٍ شامخه بين المياميني=وعند اكثر الخلق مرئيه ومسموعه
مأثر الخير ضاقت بالدواويني=فالارض مشروع فعل الخير مشروعه
انجازه يشاف في شتى المياديني=والعطف واللطف والبسمه من طبوعه
من ديدنه في حياته نصرة الديني=الدين في سيرته ومن اول اسبوعه
سموه بالخير يا خير المسميني=الخير ينبض بقلبه من ورى ضلوعه
من اول العمر لـ ست وثمانيني=اسنين بالخير مثنيه ومربوعه
القايد الفذ سلطان السلاطيني=ابوالكرم ما خلق بين العرب نوعه
له بسمةٍ تشبه ورود البساتيني=وكم وردةٍ في قلوب الشعب مزروعه
وجه الفرج لاعبس وجه المحاجيني=نهر الكرم يارد المحتاج ينبوعه
يدعون كل الفقارى والمساكيني=ويدينهم بالدعاء له دوم مرفوعه
وتدعي له الارمله وام البزاريني=ويدعي له الشيخ في سجوده وفي ركوعه
ويدعون له فالصلاوات المصليني=ويدعي له القلب بإيمانه وبخشوعه
من مثل سلطان فكاك المساجيني=عزالله انه بفعل الخير موسوعه
لو ينفدى العمر يا كثر المفاديني=كلٍ يجي له بيده الروح موضوعه
لكنها سنةٍ من فوق حييني=ومن اول الخلق فالحيين متبوعه
يالله يالله يارب الثقليني=ياللي اليك الامر والحال وخضوعه
اسئلك تجعله من ضمن المنجيني=لن عرضوا الخلق مجموعه ومجموعه
[/poem]





..