[poem=font="Simplified Arabic,5,black,bold,normal" bkcolor="transparent" bkimage="" border="double,4,red" type=2 line=0 align=center use=ex num="0,black""]
صوارم الوقت تعطي عزمها لين = تكسر عيون الدقايق والثواني ..!
تأملاتي لهم بين السلاطين =ضلع ظلاله يظلل كل عآني..!
وأنا وربعي ومن ضمن الملايين = نسير عزم ورضا وامر وتفاني..!
نتعب ونشقى ولو ذقنا الأمرين = ما نحسب حساب وقت ولا مكآني..!
شد السفر فالظهر قبل أم ختمين = اللي تقد الخشوم مع الأذآني..!
مسلمه باستلام وباستلامين = يعني عليها الهقاوي والأماني ..!
مزودٍ بطنها فوق الثلاثين = تضرب ولا هان ضرب الجبخآني..!
كله لجل هالوطن والمستفيدين = من بيرق العزه اللي ما يهاني..!
اللي عليها الصقور أم الجناحين = تضرب بسيف شديد ولا تعاني..!
ترثة معزي هل المجد المسمين = كسابة المدح من قاصي ودآني..!
حمّاية الدين خدام الحرمين = من ماضي الوقت ولا هالزماني..!
يقودهم واحد يآخذ من اللين = حد الجنون اللذيذ من الجناني..!
هذاك لو يكتب التاريخ حرفين = من سيرته علقوها فالصوآني..!
وليا ذكرنا الكريم أبن الكريمين = يا قوم يالجدي وسهيل اليماني..!
عند أبو متعب يقد الأمر ويبين= لو كان بين الإقامة والآذاني..!
معطيه ربي من الهيبه ملايين = من هيبته ما يطالعه الجباني..!
ومن قو عطفه ترك للناس تضمين = للعفو وأعتق بعطفه كل جآني..!
باب السماحه بوجه الفيصلي دين= بحر يموج بغلى كل الموآني..!
وقفت له في خفوق الشعب تثمين= شعب يحبه على قدر ومكاني..!
تجبرني النظرة اللي كلها عين = عين من الجود ولا من الجناني..!
وأنا عروقي أصخاف وبيني وبين = دهاشة القوم سلك ما يدآني..!
لكن ليا شفت لي ماشي على الشين = اصير مجنون فكر ومعدمآني..!
دون الوطن والمواطن وايضآ الدين = ما نعرف فلان ما نعرف فلاني..!
[/poem]
|