قيل ان شاب استنجدت به اخته عندما تقدم لها رجل اعمال يكبرها سنناً الأ انه سيئ جداً بتصرفاته واخلاقه ودينه
ولكن والدها وافق عليه ( بسبب مادته )وماكان لهذا الشاب الأ ان يتصل بالخاطب ويخبره برفضه ورفض الفتاة
فضاق الرجل من كلمة الشاب ( الله يرزقك مالك عندنا نصيب ) فأتصل بوالدهم واخبره عن ماقاله ابنه
جاء الأب للولد فقام بطرده من البيت وقطع علاقته بأبنه لعدة سنوات
ومنعه من زيارة اهله فقال الإبن بعد مضي خمسة عشر سنه




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الله ومر بالـــــوصل من بين الأقــــــــراب=وحنـــــا بوقت زايد بالقطيـــــــــــــــــعه
وانــــا من اللي شفت بالحيـــــــل منصاب=وضــــــــاقت علي الأرض لو هي وسيعه
يابوي انا من صدتك عـــــــارضي شاب=وحطيت في كبــــــــدي جـــــروحً شنيعه
مغير اهوجس مثل منهار الأعصــــــــاب=انا اشهد ان صـــــــــــدتك عني وجيعه
ولا لقيت الها تفاسير واسبــــــــــــــــــاب=ومعـــــاتبتك محــــــــــرمه بالشــــــــريعه
شفت المهـــــــونه من شباب وشيـــــــاب=وانا عن الحقـــــــــــران نفسي رفيـــــــــعه
لاني بســـــــربوت ولاني بكــــــــــــــــذاب=ولا لي مع الانـــــــذال شــــــــــريه وبيعه
يابــــــــوي افك البــــــاب وتسكر الباب=وخصيتــــــني يابــــــــــــوي في هالطبيعه
حتى اصغــــــر الأخــوان كشر لي الناب=ماكني الا بــــــــــايق لي وديـــــــــــــعه
ولاحدً خذالي شور في كل الأنســــــاب=يالله دخيلك من حيــــــاة الهــــــــــزيعه
ويوم النــزايل يايبه صرتــــــــوا احزاب=احداً نصا الهيظل واحــــد بالبــــــــديعه
ترى المعـــونه جات من رب الارباب=لأحدً يحسبــــني برجـــــــــــوى صنيعه
لكن ابي جمع القــــرايب والأحبــــاب=قــــــدام كلاً يغلق المــــــــــوت ريعه
صاروا اخواني عند ورعاني اغـراب=شيئً يــــولع في ضميــــــــــري وليـعه
اليا سئلوني يغرق الدمع الاهداب=يالله عسى من لامــــني للفجيــــــعه
يونس على كبده مثل عضت الداب=وارحم اعيـــاله لا ومر مايطيــــــعه
يابـوي طيـــرك له جناحً ومخلاب=يحــط في ربد الحبـــــــاري فنيعه
ماهوب حق انك تحطه بسرداب =وتحمله من فــــــوق ما يستطيعه
حطه على يمناك وتشوف الأعجاب=وافخــر بطلعاته مع اهل الطليعه[/poem]

snjaar1400@hotmail.com