( الكايدة )
كايدة بيض الخشوف اللي نشوف
مزعله كل البنات لحالها
كاسبه من ربها أحلى الوصوف
عندها القمره تصير ظلالها
ماخذه كل الغلا بأربع حروف
هازمه جيش الغلا بجفالها
بنت مطنوخ الفعايل و (ا) معروف
ميلة عقاله تهز رجالها
كاسب الطولات خيال ٍ عسوف
مهرته ماطوّحت خيالها
باشة الغيد الهنوف أم الخشوف
شيخة الخفرات طيّب فالها
غطرستها تجبرك حد الوقوف
تعلن الميقات حد هلالها
طبعها جسره تهاب وكلها خوف
تأمن الخاين يخون ظلالها
من خذت قلبه على الود (ا) مخلوف
عن جميع الناس صد قبالها
عنترية طبع مياسه هنوف
مازهت غير القصايد حالها
تستمد (ا) من الغلا كل الطيوف
وبالمعاند ماتطوّل بالها
كنها قايد حرس كل الصفوف
كاسبه حد الحكي بجدالها
زود عن جزالاتها العشر الألوف
طيبّه من طيب عم وخالها
لا (ا ) بطشت معها على القلب الظروف
حيدت للناس وأرخت شالها
وإن تكرّم وقتها صرنا الضيوف
مرحبا" والهيل كيف زلالها
لو يغنيها أبو نوره ووسوف
طاحت النسفه ومال عقالها
من عناقيد الغلا وأحلى الصدوف
تمنحك ضحكات وقت ٍ شالها
من يصد من التناهيت أو يعوف
خاسر ٍ لو كان ضحكه قالها
حدي النظرات مصقلة السيوف
بارق سيوفك تهد جبالها
كل من يدعي بظهر نبضيْ التروف
دعوته فال القدر عن فالها.
.