[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يـانـاس راعــي المحـبـة لا تعـذلـونـه=مهوب عن صاحبه داله ولا سالي
لــو يسـهـر اللـيـل كـلّـه لا تلومـونـه=الحب بلـوى مانيـب أول ولا تالـي
لي صاحبً ماقطعت الياس من دونـه=لو غـاب عنـي خيالـه دوم يبرالـي
الصاحب اللي سحر هـاروت بعيونـه=ودي بشوفه ولا كـن مـا تهيّـا لـي
ياهايف الخصـر عينـي فيـك مفتونـه=عزي لحالي عقب فرقا هوى بالي
ياكـود وصلـك علـى مثلـي وياهـونـه=إن كان حالك طواها اللي طوى حالي
عن غيـرك القلـب غسّلتـه بصابونـه=والعين ماتلتفت فـي كـل الازوالـي
مايجرح القلـب كـود فـراق مضنونـه=أبطيت ما أرسلت لك يازين مرسالي
أجـر صـوت جميـع الـنـاس يوحـونـه=غديت مثل المصيح بالخلا الخالي[/poem]




الشاعر الكبير
أحمد الناصر الشايع
,

مخلد بن ماشع
mbnmas@