[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
للساعي اشرب ذل الايام يُمّه=ما ظن يصفى جو الايام ويروق
انا اليتيم اللي ملا الدمع كمّه=ما كسَّر الخاطر ولا كسَّر الطوق
وانا النحيل اللي نشف نبض دمّه=من حمل صعب وشايل الحمل مطبوق
اطرد سراب الما ولاقْدرت المّه=يمه كِذِبْ ما كل مطرود ملحوق
لو كان باقي عند الايام ذمّه=كان ارتفع حظي من القاع لا فوق
ولوكان هذا القلب ما شلت همّه=ما شلت هم الغير والقلب محروق
يمه وقلبي كيف ينزاح غمّه=لا صارت الأيام ما عندها ذوق
هذا السحاب ابعد ولا عدت اهمّه=كيف السما تمطر بلا رعد وبروق
اذكروانااحْبِي شامخ الغيم اضمّه=كنت احسب الدنيا تساهيل وشروق
واليوم ما صارت حياتي مهمّه=وشلون المّ الريح في شنّ مخروق
مازلت احارب مر الايام يمّه=ياليت يصفى جوّ الايام ويروق

[/poem]

لـ جابر السلمي

حسابي في تويتر
http://twitter.com/#!/Alsalem15