[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
طال انتظاري والرجا خاصمه ياس= ولادري متى يمي تساق البشاير
اما نعود من الغثى عقب مرواس = والا على الباقي تدور الدواير
ياكثر ماصابك وماخطاك ياراس= وياكثر ماباربك في الوقت باير
كم ضاع من هقوه بعد خرص الاحداس=اقفت ولاباحت عليها السراير
ماقط ضربنا لاجلها اخماس واسداس= نرقبك يايومٍ تشوق النظاير
تزهى به انفاسٍ وتكضمبه انفاس=وتشفيك ياجرحٍ من الوقت غاير
وقتٍ شبا ايامه مثل حد الامواس= اعمى بصاير واستدلت بصاير
نلبس على جوره من ايمانا الباس= صبراً مناهيله حياة الضماير
يعبر به اللي لا احتدم خطب مانحاس= عزمه وميقافه خصيم الخساير
والكلمه اللي تنحصر بين الاقواس= تبغالها يومٍ يشوق النظاير[/poem]