ياحادي العيس تو الليل للساري
ارفع لها الصوت بين الحزم والحره
,,
ذب الخرايم وجنبها عن الصاري
قدمك فجوج الخلا وخلافك الجره
,,
مالك على الوقت لوم وربك الباري
لومك على النفس والاحوال مفتره
,,
مدام حملك ذهب يالبايع الشاري
سوق الغلا ماتهمش وسطه الدره
,,
وان صار سوق الغثاث يحمل القاري
واستفحل الغي من ساقه الى السره
,,
من جور جند الغرام وجرفه الهاري
واوحيت للساميات بوسطهم صره
,,
وقام يتباها الفجور بثوبه العاري
وراحت اخدود الحياء والطهر محمره
,,
طبيت سوق الغلا مارسلت له غاري
بالنادرات الثقال الشرد الحره
,,
غيدن تسامت عن التسويف والزاري
فـــــ افرقابها وسم للهيلا هل الكره
,,
تبختري ياهجوس ن هزها الطاري
لمعانق الشعر في حلوه وفي مره
,,
شبيت نار الوفاء لو ذعذع الذاري
والوقت ماينؤمن خيره ولاشره

لـ/ الجزل :معـدي المرقاب