انا الليله في راسي شعروابكتب واستميح العـذر
انـارب القصيـد وخالقـه واغفرلـه اذنـوبـه
بلم الصدق والطيبه واجمعهم في اخـر شطـر
وصدرالبيت للونات علـى القيفـا ن مسحوبـه
ابفتح للشعرصدري مادام الوقت ضيـق صـدر
وبنات الفكر من فكـره علـى الأوراق مكتوبـه
ابرقا بالفكر وامـلا مساحانـي رمـوز وحبـر
تعبت اوضح المعنـى لفهـم اعقـول مسلوبـه
شذوذ اسماع مع ابصار والعنها شـذوذ الفكـر
خساره ياعقل تنضب وخيـل الجهـل مركوبـه
ابكتب مابغا جرحي وبحـري بختيـار السطـر
وعدل صـورة الواقـع تراهـا حيـل مكذوبـه
وابررغلطتي بسمـي وعنونهـا بأسـم الشعـر
وغني طرقي بكيفـي ونـار الحـرف مشبوبـه
ابدفا حـول غايتهـا وسـري هاجسـي للبـدر
يوصل كلمتـي يمـه ويعطينـي طـرف ثوبـه
ابرحل مع وضوح النورومر البر وشوف البحر
ومـادم البـدر قايدنـي انـا لاشـك محبوبـه
انا اللي ماعرف معنى الهروب ولاحداه الكسـر
وصلت لقمة الطيبـه علـى هقـوات معطوبـه
تخيلت الفضا ملكي واثر رجلي تدوس الجمـر
واثرمـن فكربعالـي يـذوق الجمـر عرقوبـه
بديت بنيتي طفلٍ نـوى يوصـل ربيـع العمـر
وغرس نبته ثمرها جا علـى كيفـه ومطلوبـه
فرح مايدري ان الريح تهوجس به صباح وعصر
ونيتـهـا تــرده للضـيـاع واول اغـروبـه
وقف وقفة شجاع وردهـا بالكـف دون النحـر
وتحمـل أثـم هبتهاوصدقـه اكبـر اعيـوبـه