من الجوّال
عويض المقاطي مرسل لي
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامكثرين البلبله وش فايدة كثر الحساس = النفس عافت زادها والعين عافت نومها
الوقت صمل فالعنا والحظ صمل فالعكاس = والناس قام يزيد يومياً عليّه لومهــا
يلومني خبلٍ" يحسب ان الذهب مثل النحاس = وهو ماعرف لاجوهر القصه ولا مفهومها
كان الخبر فيه التباس العذر مافيه التباس = ومن لابغا فضل الثلاث البيض ليش يصومها
لو فيه راس بدون عقل وفيه عقل بدون راس = الناس والله ماعبدت اشكالها وجرومها
العمر يقفاه الفنا والزرع يقفاه اليبـاس = والنيه الزينه تبيّن فالوجيــه رسومهــا
والخوه اللي من بدايتها لها حد ومقاس = لو تنعرض للبيع بعناها على أول سومها[/poem]
__________________________________________________ _______
"" الرد ""
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بعض المشاكل ياعويض ماتعالج بالحماس = تبغا ركاده والدعـاوي لاتشق هدومهــــا
لو كل من جته الخطيّه .. يزعل وصابه عماس = ماعاد شفت من العرب ناس" تحب سلومهـا
والهرجه اللي ماتضرّك .. تعتبر رمية تمـــاس = وإن عودت ضربة جزا، رميتك جت بسهومها
عينت لي .. من ياكل القرده وياكل فالبساس = من شفحته ،، حتى الديار الغبر ياكل بومهـــا
قله ترى لأهل الردى ناس" ولأهل الطيب ناس = والناس مانحكم علاها بـ الشكل.. ووسومهــا
دام العمر مثل الحطب والموت ضربه ضرب فاس = لاتتبع هروج البشر مالك ومال علومها
والخوه اللي ماتوثق .. بـ الوفـا ماهي بساس = وإليا ابتدت في يومهـا .. تاتنتهــي في يومهــا[/poem]
|