الله يكتب لنا ولإخواننا الخير

اخوي شفق واخوي سلطان ( لانجفوا ولا نغلوا )

اذا ان الدوله ماتبي تزيد رواتب ولا تبي تعطي بدل سكن ولا ولا ولا غيره انا معها بس بشرط يكون فيه مقابل .

1- بناء افضل بنيت تحتيه للمجتمع
2 - توفير فرص عمل لشباب تتأقلم مع شهادته الحاصل عليها ( يعني يبو مهنا ماهي زينه طالب جامعي جلامده قيس جلامد اندريه العملاق يروح في مدرسه اهليه 1200 الشهر والمضحك الي في حافز ياخذون 2000 .. بالله وشرايك في هالتخبط العشوائي )
3 - توفير المستلزمات الطبيه ووضع مستشفيات على وضع مناسب بحكم الطفره التي نواكبها ... تدري ياشفق اني ماقد تعالجت انا وابنائي في حكوميه ابد ... تدري ليش لأنها موبوئه ولايوجد بها تعامل ولا عناية )
4 - استحداث مدن صناعيه تجاريه تكون لنشئ والجيل القادم ( سلطان نحن مازلنا حتى المراسم مانعرف نصنعها ) يعني المصيبه لانحط الدين في كل شي .
اغاية الدين ان تحفوا شواربكم ....... يا امة ضحكت من جهلها الأمم
5 - مراقبة الموظفين والكوادر في اعمالهم بدال هالتسيب .
اذا هاذي النقاط موجوده مانبي شي ابد . لكن صرف زياده والأسعار طايره والوظائف شاحه وش الفايده

سلطان كلامك صحيح والحديث الذي اوردته لاغبار عليه ونحن نعلم ان اكثر الأمم يوم القيامه امة محمد عليه افضل الصلاة والتسليم ......... ولكن لابد من اخذ الأسباب واولها حسن التربيه وليس الفقر .. لإن الفقر قد تكفل الله بهم وبإطعامهم .
اش الفايده تجيب لك 15 ورع وتفكهم في الشارع يذون خلق الله وكل يوم وانت تعلق معدال ويسحبونك في اقسام الشرطه .
تبي تجيب عيال الله يقويك جيب 100 واخذ اربع حريم مافيها شي ... لكن اذا الشخص يعرف انه غير كفئ لتربية فلا يجهد نفسه .

شفق جاب جملة صحيحه ولو ان فيه اشياء ما اتفق معه فيها .
يبن الحلال نحن كطابع قبلي لانحب التعايش مع الأخرين يعيش الصبي في المجالس ويسمع القصائد والقصص التي بعضها والله حتى جرينديزر ماسواها ...... وقلنا في الفلاينه وسوينا بهم يوم النزل على العد الفلاني ويوم جاء الربيع الفلاني ولياهم قدامنا .......... الغلام يسمع هذه الأمور ويتشبع بالحقد على اخوانه المسلمين وابناء شعبه بدون سبب .

والله ياسطان مدري انت وين ساكن لكن انا من سكان الطائف ابشرك اني غالبية الأشهر اطلع حق غرامة الدم ( فلان ضرب فلان ) ( فلان رمى فلان وصوبه ) ( فلان جاب له رقبه ) والمصيبه ان الشيوخ وكبار وعالية القوم شبوا في الورعان يقولون ( تجيني ضارب وسوق عنك ولا يضربونك الرياجيل ) ولعوا فيهم وصاروا يشوفون جيرانهم من القبائل الأخرى اليهود احسن منهم , وتجد هذي العينه افشل الناس في الدراسه واضعفهم تفكير واسرعهم في الكلام وعدم تقدير الأمور وعدم الإحترام لا في المجالس ولا من كبير سن . ابي اعطيك مثل

عندنا واحد الله يعفي عنا وعنه الشهاده مافيه .... حياته كلها عند البل تتحاشاه في الكلام لأنك ماتتنبى بما سيفعل . طوله وعرضه في سوا كنك تطالع في قطمة السنمت .. يعني مرصوص .


راح الرجال الشرقيه يوم جاء في سوق السويكت اليا الهوشه قدامه اربعه من قبيله يتضاربون مع ثلاثه من قبيله اخرى . يعني ماله علاقه في الموضوع ولا هم من قبيلته .
الأخ وقف السياره وحول في الهوشه مع الثلاثه ضد الأربعه رجحت كفة الميزان وصارت الغلبه لهم ....... جات الشرطه وشالت الي شالته ودت اثنين في المستشفى .

جاء التحقيق قالوا الي في المستشفى خصمنا مانعرفه الرياجيل الي حنا تهاوشنا حنا وياهم نعرفهم وضرابنا ولد اسمر كنه كورة سله .
اتصل الأخ على الربع وجوه في القسم ( قالوا له انت وش يعرضك الهوشه ) قال انا والله ما اعرفهم بس شفت الرياجيل اربعه على ثلاثه وقلت ابي الهوش يقر ... هههههه

اسألك بالله هذا منطق ( طيب وتقدير الضربات من يسوقها يسوقها الأجواد الي مايقدرون يقولون لا )

الغالبيه من هالطبقه تتخذ هذا المثل ( اذا كنت من ضيم الرجال تجزع ..... عليك بوروك الصبايا الرجع ) قاموا يهلون في الورعان وتلقاهم ماسكين لهم حاره كامله ابن امه يتكلم ولا يقول شي .



وبعدين يبو مهنا الشعب والله انه في حاجه ماسه للمساعده ... الغالبيه العظمى لايمتلك منزل له ولأبناءه الــ 15