دكتور..بشرح لك أعراضي
,,,,,,,,,,,,واسمع..وشخص لي العله
وش حيلة القلب لاهاضي
,,,,,,,,,,,,,,,,,,كنه على كفي,أشلّه
يأخذ من البرق,لاناضي
,,,,,,,,,,,,,,,يومي به الحزن,ويتله
ومن لوعة البعد,مغتاضي
,,,,,,,,,,,,,,,غارات الاشواق,تحتله
ماهوب عن حالته,راضي
,,,,,,,,,,,,,,,,,تطويه الاقدار,وتفله
والفكر,لـ أسترجع الماضي
,,,,,,,,,,,,,,,,قام الجسد,يشتكي كله
تقول له لازمٍ,حاضي
,,,,,,,,,,,,يخطي هوى النفس,ويدله
دمعي على سبته,فاضي
,,,,,,,,,,,,,,,,,والكبد,كنها على مله
والضيقه مْن أدهى الأمراضي
,,,,,,,,,,,,,تقضي على الحال,وتسله
أجحد وجعها,بغماضي
,,,,,,,,,,من خوف لا الناس,تفطن له
صيفي,ربيعي,ومقياضي
,,,,,,,,,,,,,,لو جاا مُرادي,على حله
دكتور وش قلت فـ أعراضي؟
,,,,,,,,,,,,,,,,,سمعتها,شخص العله
ماجيتك أشكي,على الفاضي
,,,,,,,,,,,,,,,,بـ الله,هات الدواء بالله