الرمز ناصر الشيباني :
لاشكر على واجب واللهم أنصر أخواننا في سوريا ياعزيز ياحكيم.

/

القيصر شفق السريّع :

هالمقطع أخطر ضربة بلنتي في التاريخ للأسطوره زين الدين زيدان مع أفضل حراس العالم بوفون .
تكلم الخبراء النفسيين عن ضربة الجزاء هذي كلام كثير وقالو أنهم كلهم كانو مرتبكين سوى زيدان أو بوفون من خلال حركاتهم في المقطع أعلاه قبل تسديد البلنتي شاهد زيدان قبل التسديد وبوفون نظراتهم وحركات يدين بوفون قبل التسديد .
وبعضهم قال أن زيدان لو كان مرتبك مالعبها بالطريقه الأستعراضيه اللي شفت !
وبعضهم يقول لازم يكون مرتبك المباراه نهائي كاس عالم والنتيجه 0 _ 0 وهالكوره يمكن تحدد من الفائز ولو ضاعت راح تدعم الفريق المقابل نفسياً والحارس أفضل حارس في العالم !




سؤالي هل تشوفه مرتبك ولا لا !
أو من اللي كان مرتبك فيهم أكثر من خلال نظرات عيونهم وحركاتهم قبل التسديد !
وسؤال بحكم أنك أعلامي رياضي من يكون أكثر أرتباك دائماً في ضربة الجزاء . اللاعب أم الحارس !

ولو اللي مكان زيدان ناصر الشيباني في هالمحفل وهالفاينل وبالنتجيه ذي هل تشوفه راح يجيب الهدف ولا راح يرتبك من بوفون وصياح الجماهير ولا وش رايح يصير !


أبو مهنا أنا تخيلت شكلك أنك مكان زيدان وضحكت وأحساسي كان يقول أنك تبي تكون مرتبك لدرجه أنك يمكن تصرف تصرف لا أرادي لأنك راح تفكر لو ضيعت البلنتي وش راح يقول شعب فرنسا والسب اللي يبي يجيك ويبدء الأرتباك معك واللي قدامك بوفون مع أنك قيصر لكن في هالظروف أحساسي يقول أنك 99% راح تكون مرتبك حتى لو كنت قيصر وصاحب رباطة جاش عاليه لكن هالمواقف الله أعلم وش راح يصير .

تخيلت سيدي اللواء محمد رشيد أنه مكان زيدان وأحساسي كان يقول أن راح يتقدم لضربة الجزاء بهدوء قائد وثقه عاليه ويبي يركز نظراته على عيون بوفون في محاوله أنه يربك بوفون من خلال نظرات عينه ويبي يشوت البلنتي و يضيعه .

وأبو محارب تخيلته أن راح يتقدم لضربه الجزاء هادي ويردد في نفسه هذا والله الأمر العظيم ويقول في نفسه لو ضيعتها وش راح يصير ياحيل الله كان ضاعت ! ونظرات عيونه على الحكم وعلى الجهه اليسرى ولاهوب حاط عينه في عين بوفون يبي يقنع بوفون أنه مرتبك حتى يكسب بوفون ثقه في نفسه ويقنع بوفون أنه يبي يشوتها يمين لأن نظراته يسار ويبي يشوت الكوره يسار فوق ويبي يسجله .