[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السلام عليكم


مع بطن نعمان واليمّه كرى=ومن وراهم ديرتي ام السحاب
ياجبل ياللي بحسنك تذكرى=مرةٍ بنور ومره بضباب
جيتك المجروح وجرحي مابرى=طفلك اللي غاب عوّدلك شباب
ساريٍ والليل عني مادرى=ضايعٍ مابين عيني والغياب
والقلم يكتب ولاعمره قرا= تستوي عنده شعر ولاحساب
ياجبل من باع ومن هو اللي شرى=ومن هو اللي راح في دربه وغاب
ومن هو اللي طاح وانجاه الثرى=لين عوّد نبت يوقف للصعاب
ياجبل خابر بحالي وش جرى=خابر الدمعه وشعري والعذاب
خابر الطفل اللي تمنى واحترى=يوم يكبر فيه ويهد الحجاب
كان وده يسبق العمر وجرى=لين غاب ومالقا غير السراب
يحسب انه سارحٍ واثره سرى=في مداين مالها صوت وقباب
اندفع قدام ماعاين ورى=والليالي خانها فيه العتاب
انظلم بالحيل والليل افترى= لين حط الرجل في جنب الركاب
وامتطى صهوة جروحه وانبرى =وساقها للنورمن بعد الذهاب
[/poem]