[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ضيعت مستقبلي مـن شـان رعبوبـه=واليوم راحت لابو المستقبـل الزاهـر
ضيعـت ثنتيـن مستقبـل ومحبوبـه=وياشينها يا ملا جرحيـن فـي خاطـر
لو كل عاشق لقـى شفـه ومطلوبـه=كان البلد ما خلـق فيهـا ولا شاعـر
يا قلب وش فيك ما تعزم على التوبـه=ما دام من حب واوفـى للهوى كافـر
خل الهوى العف واول وآخـر ذنوبـه=وارحل وهاجر ترى يرتاح من هاجـر
خل الهوى ياخفوقي منـت مـن ثوبـه=خل الهوى منت لأوجاع الهـوى قـادر
خل الهوى دام مازانـت لـك دروبـه=واصبر ترى الصبر حلوى في فم الصابر
يا قلب عمري وعمرك للاسـف نوبـه=لا تصرف اللي بقى في الموقف الخاسر
محبوبك اهله تواصوا به وضحـوا بـه=باعوه بيعـة ردى والمشتـري تاجـر
لفوه في ثوب حتـى ضاقـت جنوبـه=وزفوه في مشهد مـا يسعـد الناظـر
بغـى يعانـد ولكـن خانـه اسلوبـه=لانـه مسيكيـن لا ينهـى ولا يامـر
ويا قلب كانك تحبـه لا تجـي صوبـه=حافظ على سمعته من هرجة الصاغـر
باكـر يقولـون عبـدالله ومحبـوبـه=وافيـن وافيـن لكـن حظهـم عاثـر
روحين مستسلمـه للأمـر مغصوبـه=ياوي لها الصـب والمتمـرد الفاجـر
باكر اذا لان قلـب الصخـر والطوبـة=يمكن يعود لنفس الـدار مـن سافـر
ياقلبي انفاسنا فـي العمـر محسوبـه=واخاف نفنى وباكر مـا يجـي باكـر!:

[/poem]

لـ عبدالله الخزمري

حسابي في تويتر
http://twitter.com/#!/Alsalem15