منتديات المرقاب الأدبية - عرض مشاركة واحدة

27-03-2012, 09:47 PM

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلبي غدا مرمى وبُعدك صواريخ=دكّت عروق القلب لين ادمرتها
وبوم المباعد عاث بالصدر تفريخ=تلّت فروخه فرحتي واغدرتها
لِرْكاب صدّك في ثرى القلب تنويخ=ازكى نواوير الامل بعثرتها
وكفوف هجرك بالقساوه مباذيخ=شلّت ظهور احلامنا واكسرتها
الحب فينا كان في طلّته شيخ=وبيوته ازهار الوله مزهرتها
ولحظات نسيانك لو اتحاول اتشيخ=فزّت أحاسيس الغلا وانهرتها
ولو تزرع الخافق بجرد التخاتيخ=ينبت محبّه تستظل اشجرتها
حبّك به جبال المودّه شواميخ=وارياضه مزون الوفا ممطرتها
صابت بروق الهجر هام الشماريخ=روس العوالي للسهول احدرتها
قلوب كانت بالتفاني مطانيخ=من نبْلها جسور المحال اعبرتها
جتها غيوم الكِبر بامطار زرنيخ=منّه عصافير الغرام اهجرتها
ان كان قصدك من ورى الصدّ تدنيخ=نفسي وما عمر الحروب اخسرتها
ماتعشق النفس العزيزه بترضيخ=من صغرها عروق الرضوخ ابترتها
*تبقى*الكرامه عشق ما جاه تلطيخ=من دونها النفس السيوف اشهرتها
والعزّه بعيني لها زين ما ايبيخ=لو سِعْرها الشوف العيون اشترتها
الطيب دوّخته ورى الروح تدويخ=لين اعذب انهار الجمال اغمرتها
ماشفت راحه لين ماشفت ترسيخ=للطيب ، وارقاب الخمال اجزرتها*
ماني من اللي من حياهم مفاصيخ=ناسٍ ورى المقفي تثور اغبرتها
انا من اللي شامخين اليوافيخ=اسمى الفعول الطيبّه سطرتها
قل للندم لااغدق حياتك بتوبيخ=آمالك رماح الغرور انحرتها
ومات بتواريخ المفارق تواريخ=كانت هي افراح العمر واثمرتها
وكبرك غدا مرمى وعزّي صواريخ=دكّت حصون الكِبْر لين ادمرتها

[/poem]