مشخص السلمي

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في خفوقٍ يحبك ويش سويت=يا حبيبٍ عجزت القى مثيله
يسهر الليل صدره بالتناهيت=كل ما قلت هوّن .. شدّ حيله
انت ما جيت في باله ومريت=انت كلك خذيته من رحيله !
وأنت لو انك ابطيت وتماديت=ما انت مخطي ولكن معك حيله
ودك أنه بصوته يرفع البيت=والحقيقه بدى راس الطويله
يلفض الشعر من صدره عفاريت=كل عفريت جاء شايل جزيله
للبحور الغزيره والسباريت=للسماء للنجوم وللمخيله
فيك كله وكلك وين لديت=شفت رسمة مفاتنك المهيله
عطني الصبر في نهر المواقيت=واخذني قاربٍ حبك دليله
وأن تيسرت قدامي ودليت=قلت مافيه حاجه مستحيله !
ابرك القاف قافٍ فيه صحيت=كل نيّام الاحاسيس الاصيله
آه يا كثر ما فالبعد حنيّت=وآه والقلب لا تخلي سبيله
اصدق الحب حبٍ تحت ياليت=جمّع الدمع فالعين الكحيله
هج باب المشاعر واترك البيت=الحزن لا تحطه لك وسيله
والله اني بقربك كل ما ارهيت=واشتهيت القراح وسلسبيله
حيل دونك ودونك ما تحلويت=لا سلومٍ كبار ولا قبيله
جيتك اركض وفي دربي توطيت=سيرة الزير سالم والجليله
وان خذاك الحياء مني وصديت=قلت ليت الحياء سوى جميله
كان من دلة احساسك تقهويت=واعدل الراس من بنه وهيله
يا حبيب المشاعر دام ما اخطيت=لا تولع بزندك فالفتيله !!
[/poem]

سبحان الله وبحمده
سبحان الله العظيـم