()()(). الشكوى لغير الله مذله.()()()



[poem=font="simplified arabic,5,white,bold,normal" bkcolor="transparent" bkimage="backgrounds/28.gif" border="none,4,gray" type=2 line=0 align=center use=ex num="0,black""]

لو شفت كونك ضاق معاد ياسعك= اصبر ولاتشكي على الناس بلواك

خلك عزيز النفس والعز يمنعك= يمنعك لاتشكي لهذا ولاذاك

ولو زاد همك هم لايسيل مدمعك= اصبر على همك ولاتبيح شكواك

اقرب قريب اليوم معاد ينفعك= تموت قدامه يشوفك ولااعطاك

ولو تشتكي له كبر همك مايسمعك= وحتى ولو تاقف بدربه تعداك

ادعي الولي ياصاحبي عنّه يرفعك= ربً كريم اليا دعيته ماخلاك

بعض البشر ياقف معّك لجل يطمعك= وليا خذا له شي والله لينساك

بالله هاذي كيف قلي ماتوجعك= تاقف معه لكن لاحتجت خلاك

الناس معروفه ترى مثل اصابعك= ماهي سوا واقولها واتحداك

واقرب قريب إن كان عيا لاينفعك= ينفعك ربً لادعيته ماخلاك

[/poem]