منتديات المرقاب الأدبية - عرض مشاركة واحدة

26-04-2012, 02:43 AM

[poem=font="Simplified Arabic,5,seagreen,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

يا حمود شـب النـار زوّد لهايبـه=وأحمس لنا بن ٍ مع الهيل ذايبـه

مع تمرة ٍ مرباه في نقـرة الحسـا=وصفر الدلال اللي من البن رايبه

بأرضٍ كساها الزين بالعشب ربعت=والديم يسقي وسمهـا مـن سكايبـه

وريح الخزامى والنفل عبقه أنتشـر=وفاح الشـذا عبـر النسيـم وهبايبـه

مع رفقة ٍ دايم على الطيب عزها=تجمع رفاقات الخفوق وقرايبه

هذي مناة الروح عندي وشفّها=تنسى الهموم اللي على الصدر صايبه

ياالله ياللي خالق الارض والسما=تفرج هموم اللي شكا من مصايبه

والحمد للي بأمره الأرض ربعت=خلا عليها الغيث تمطر سحايبه [/poem]