السلام عليكم ورحمة الله وبركاته

مساكم الله بالخير جميعا

مصافحة أولى لهذا المنتدى الشامخ

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الليلة المسرى : تواريخ وارقام = تجمع تفاصيل : (العدا والاحبّة)

واحداث عصر : الجاهليّة والاسلام = واعتى المعارك بين : كره و محبّة

في رحلةٍ تمشي على سير الاقلام = ما ترتعد لا دقّ صوت المنبّة

تبحث خفايا كل : صامل و ضرغام = لا حولت فالبحر (عشرين غبّة)

ما يهتدي فدروبها غير مقدام = ايحبها بالحيل واهيه تحبّه

يقطع سككها لو على حقل الالغام = لو دونها حوض المنية يطبّه

ما غيرت طبعه دواليب الايام = يا طيب راسه حر ما يلعبّه

لو ان راسه سلعةٍ بين الاوهام = اليا نصاه القول يعيطيه لبّه

ثابت على درب الفضيلة من اعوام = وباني لها في ساحة المجدّ قبّة

ولّى عناقيد الردى قوم الاحلام = ما منهم اللّي لا عطى الريع ذبّه

امجادهم مسرح : تماثيل وافلام = مسرح لقيت (الفار يلعب فـ : عبّه)

وافعالهم قمع : الارامل والايتام = في عالمٍ ماله عليهم مغبّة

لولا تفاخرهم على بثّ الاعلام = ما خلقت اغراض : الهجا والمسبّة

اطيب رجل طحطوح فيهم ليا قام = حبّ اليهود وبالنصارى تشبّه

في دنيته ما عمر صلى ولا صام = تارك عمود الدين (ربي وربّه)

ما باقي الا يعبد : اوثان واصنام = وحكمٍ على نهج الشريعة يكبّه

وش حيلته لا عوّد : ارفات وعظام = يلقى حصاده مثل : حرثه وحبّه

القبر ما عنده : عماليق واقزام = (جام الغضب) فوق المخالف يصبّه

وحكم القدر يصدر كما حكم الاعدام = ولا ينفع الدكتور : علمه وطبّه

وتبقى حضارات الامم مثل الاهرام = تشهد على جمع العدا والاحبّة[/poem]