|
لو الغراب اليوم يطلع نداوي
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
الي غراب ويحسب انه نداوي = لو طال وقته يرجع العشه غراب
الله ونا سنجار من كل واوي = ماني بخابر عنده ضروس ونياب
في مامضى ضلى من الجوع طاوي = لو العشى موجود مايقربه هاب
واليوم كنه من سباع الخلاوي = قد ركبو له زمرت القوم مخلاب
وصدق يحسب انه بخيت العطاوي = يكرم بخيت الراس عن ذيك الأذناب
خدش الرجال امسحبين السلاوي = حمالت المزهب ضعيفين الأنساب
شجرت ردا ماتحتمل ري راوي = ولله جعل لغصونها فاس حطاب
وبعض الجروح يضيع فيها المداوي = وانسب حلول علاجها قطع الأعصاب
حيث الكوايا زادت اله البلاوي = في كل جنب نايشه وسم مشهاب
وتوترت حالته وصبح شقاوي = وهوه شباب ولابعد عارضه شاب
عارض ندامه لضعيفات حاوي = تكرم الحانا عنه وش جاب ... لاجاب
حيثه على درب المشاكيل غاوي = من ربعةٍ ماضريت فتل الأشناب
ونا على الزلات ماني بناوي = لاشك تحداني سواليف الأكذاب
من طبعنا مانعترف بالهقاوي= رضيعنا يسوى ثلاثين ركاب
مانضرب الا فالنحر والكلاوي = عدونا من ذكرتا دوم مرتاب
الله جعلنا مثل نجم سماوي = على جماجم سارق السمع شباب
كلمة حقيقه ماتبي شرح راوي = مال المجامل عندنا ذكر واسباب
لو الغراب اليوم يطلع نداوي = في ذمتي مايعتلي كل مرقاب
[/poet]
|