لا تلوم العاشق اللي فالموادع نشف ريقه
زين يوم انه تحمّل لين قال مع السلامه .!!
حاول يخلص على الفرقا معك بسرع طريقه
بين توديع الحبيب وبين راعين الملامه .!!
الموادع نار تالع فـ الخيال وفالحقيقه
تشتعل فالقلب لين تذوب منها الابتسامه .!!
مثل ماقرب الحبايب ساعته ترجع دقيقه
تجلس ايام الموادع في بياض الوصل شامه .!!
كن قلبه ماعرف طعم الفرح من قو ضيقه
يقف وقفت من حداه الوقت ماقدّر مقامه
لوسكت وخفا همومه داخله والع حريقه
لا تلومه وانت عارف دمعته تسبق كلامه .!!