مشخص السلمي

رثائيه في ابن الخاله / بدر حبيب السلمي
الذي توفا يوم الاربعاء الماضي في حادث سير .
رحمه الله وأسكنه فسيح جناته .


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مصاب القلوب البيض ليته مفاضة عين=نهل الدموع الزرق ساعه وننساها
لكّن المصاب أكبر ويلحق على الضلعين=عليها يخط الحزن كفه ويقراها
يا عيني وش اللي باقيٍ داخلك هاللحين=بعد كل رفه منك جادت بجزلاها
تجيبين وتودين من وين رايح وين=هذي سكة الاقدار نمشي بممشاها
رضينا وحنا كلنا يا بشر مقفين=ولابه مخلد فوق دنياه يرعاها
تموت الاوادم كلها لين يوم الدين=بعدها حساب وبعث قدام مولاها
فجايع زماني كنها طعنة السكين=يا جعل الليالي ما تفاجع بشلفاها
هذا علم محزن هات والا اصبر وبعدين=ما عادت ضلوعي مثل ما كانت اياها
عسى الله يرحمه مات واحد من الغالين=فشهر ورمضان وكل نفسٍ ومفضاها
نحث الخطىء لأبوه في فقده معزين=عسى بدر روحه وسط جنات يرضاها
ونسئل عظيم الاجر لاخوانه الباقين=ويلطف بوالدته بعد يرفع اعياها
طريقٍ عليه الناس لابدهم ماشين=مقدر ولابد البشر تدرج خطاها
[/poem]


مشخص السلمي

سبحان الله وبحمده
سبحان الله العظيـم