اربع وعشرين ساعه [ ياصلاة النبي ]
ماهـي كفـيله بعـيني تمحي الصـوره
اللي من البارحـه تدبي براسـي دبـي
خلتني اسهى واجووب الشوق وازووره
جابتني الصدفه اللي تجتبيني جبي
شبّت بجوف الخفـوق اشــواق مقـبوره
ماني من اللي يميل لـ لابسات العبي
والحب .. واحد من اللي ملّ دستووره
كنت انقد اللي يهاوي وانعته بالغبي
اثـر الهـوى مـايـشـاور .. يبعث سٌـبُورَه
يصوّب اللي يصيب ولايقول اش يبي
وارواحـنـا فـي يـديه تصـير مـأســوره
البـارحه فـي غـرام الجـادل اللـولبي
اللـي لـيـانه لـيـان .. وعــود بـاكـووره
جـريت مـوال شعـري والقصـيد يهبي
مايوصـف المـترفه لو يجـمع بحـوره
ان قلت هذي ضبي والله ماهي ضبي
تاخذ من الضبي حاجه دوم مذعوره
خطوة غنج فاتنه والطول يسبي سبي
مـن غـيـَّهـا تـنـتشـي .. وتفـز مـغـمـوره
جـمـالـهـا يعـربي واحـلى من اليعـربي
فـريد مـن نـوعـه اللـه يـكـفي شـــروره
حـوريةٍ تسـتحـق .. اجـيلـهـا لـو حـبـي
وان كان مـاقـدّرت .. مـاهـيـب مـعـذوره
سمَّـيتها عـندي[العشق العظيم الابي]
الّااا اسـمـها عند ابـوها وامـها..[ نوره ]
|