السلام عليكم ورحمة الله وبركاته ,,

متواضعه اقدمها بعد الغياب

قصيده في راع الابل : نياف بن سحمان الفراهدي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راكب اللي ماعلى نوعه علاوه=جيب شاص (ن) والمناهيج بدويه
موتر (ن) قرب تضاريس البداوه=وواكب البدوان عقب الجاهليه
لا عطا الخطين جايله حماوه=كنه اللي من مطنخ ذي عطيه
مايفكر فالأمير وفالأخاوه=غير عفرا (ن) تلته بالجاذبيه
كن خشمه يوم عرّض مع نزاوه=جايع السرحان في نجد العذيه
اشهب (ن) للعرق شبعان (ن) رهاوه=لاسبح فالعرق يامبعد مديه
وكن عجه مع وطا ملسا (ن) فضاوه=ثعل صيف (ن) عانق سحيته عشيه
الجوانب مايجي فيها انحناوه=والبريمي شيف في مدقر قفيه
سارح (ن) مايحتري يابجاد خاوه=من ورا العارض يبا الدار الهنيه
نحّره من عاش وقته فالبداوه=مايبالي في هوا الملحا القويه
فالجنوب وفالشمال وفالحساوه=وفي علاوي نجد ترعا الشبرميه
في هواها مالحق عزمه رخاوه=فالسنين التاليه والاوليه
هو راع الابل ليا راحت زناوه=خل عنك اللي بداوتها رديه
الكريم اللي عساني له فداوه=صيرماني (ن) مواقيفه جريه
سم يانياف ياراع النخاوه=ياطويل الباع ياليمنى النديه
مثلك وشرواك جعله في هناوه=ولا عكسك جعل تاصله المنيه
للردي والمرخمه رحنا هزاوه=شرهت فينا الدشير الصرمديه
قلبي اللي عاش عمره في قساوه=من صحيبه جاه ضرب مخلبيه[/poem]

اتشرف في متابعتي على التويتر


@mashailalatawe

مـشـعـل الـعـطـاوي