صديق وفي/
شدالركايب وأطلق الشوف قدام
وأبشربقلبٍ مايخون الصداقه
ياصاحبي ماني من اللي لياهام
قفل حسابات الخوي والرفاقه
والله لأوردها مواريد الأحيام
والبحر يصفق من يرد إصطفاقه
أناعلى درب المروات مقدام
وفيني على شوف النشاما شفاقه
لا لا يغرّك قول حاسد ونمام
بيني وبينك ماتضيع العلاقه
مع مرور الوقت ومرور الأيام
غلاك يوسع في ضميري نطاقه
لوالغلا يرسم بريشه ورسام
كتبت لك عهده ونص إتفاقه
مادام رأسي حي والله مادام
لأقدّرك وأغليك يأغلى الرفاقه
مطلق إبن عبيان/
حيه..وحي الشعر لإجله والإلهام
وحي الكلام اللي قريته على آقه
فرّيس الإبـــداع وسلاطين الأقلام
لو نافسوك أشوفها أكبر حماقه
قناعتي بك كل ماجالها عام
زادت شموخ وعنفوان وطلاقه
ياإخوي الأكبر لن دعى الموقف الهام
وإخوي الأصغر فالأمـور الدقاقه
ماقلت زيف ولاعلى قولي عسام
ولاجاء لساني فالتعابير إعاقه
أعرف منهاج العوايد والأحكام
ومعي بعد رخصة عبور وبطاقه
بعيد عن حاقد وحاسد وظـــلاّم
وبعيد عن قول الزلل والطفاقه
حزامي أنته وأعرف حزامي حزام
وإلا المنافق رأس ماله نفاقه
|