محاورة للشاعر محمد بن تويم وعبدالملك المنصوري

محاورة جمعت بين الشاعرين

محمد بن تويـم الثبيتي والشاعر عبدالملك بن غازي المنصوري

،

بن تويـم :

سلام الله سلام اسلام ينشر يا جميع الناس
سلامن يشبه لعد الذهب للي يعدونه

الا يا من يرافقني تراني ناوي المقناص
على حد الخطر في طرقـتن ماهي بما مومنه

عبدالملك :

ولا يا مرحبا ترحيب سالم من جميع الباس
انا قوله وكل اللي حضر معنا يقولونه

ابا رافقك لكنك تعوم وفالبحر غطاس
وانا ما بـ الرفيق اللي يحول الجم من دونه

بن تويـم :

انا حسّبتك الكاتب .. وانا حطيتك الحراس
وضيفانك على شبه الطوى والزاد فصحونه

وانا خابرك يا الشاعر سوات المرئي القصاص
ولا قد ضاع مرئيـن .. يشوف الدرب بعيونه

عبدالملك :

انا كاتب وانا حارس وشوف الكهربه فـ الماس
وخايف من سلوك الكهربه .. لو كان مدفونه

لك الله لو يحطونك مكاني يا صليب الراس
لـتعـصرك الليالي يا محمد عصر ليمونه

بن تويـم :

انا طرقي ودور للعشا .. في ليلتن هرماس
وجنبـيـتي هذا الايام محدوده ومسنونه

وانا شفت الجمال اللي تسير محمله بكياس
عليها واحدن من ضعفته يعكز على شونه

عبدالملك :

ديرنا ما نبت فيها حيا يا الطرقي العساس
عساك تكبها .. وتغسل يدينك بصابونه

نهار انك لعبت مع الجماعه ، ما كسبت الكاس
دخل فيك الهدف ومويترك لفو دركسونه

بن تويـم :

أبن غازي يهددني يقول البحر ما ينقاس
وهو يسبح معه .. والزبد في راسه وفـ متونه

الا يا بنكنا خايف عليك الفقر والافلاس
من يدين الرجال اللي على الغرات مفتونه

عبدالملك :

ابن غازي على درب القدى ما يتبع الادناس
ولا عمره تعرض حاجتن ما هي بمن شونه

وذاك البنك من دونه رجالن تقلع الاضراس
حموه من الخطر والموت في بابه وفي اركونه

بن تويـم :

تحصلها اذا أن الأوان. ودقت الاجراس
تشوف اللي وصل واللي بعد يمشي على هونه

.............................................
............................................

عبدالملك :

.............................................

............................................

أقيس فيك اجر في باب بن عباس

كمنك ما تهيد ونيتك قشرا وملعونه

رحم الله الشاعر : محمد بن تويم الثبيتيوأطال الله بعمر الشيخ عبدالملك بن غازي المنصوري


،

،