قصيدة تحكي قصة شاعرها في حبه الذي لم يُكتمل


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=3 line=1 align=center use=ex num="0,black""]
سر ياقلم واكتب مراسيل الاحباب=اكتب مراسيل الوفاء فـي وفاهـا

اكتب مراسيلٍ بها جرح ماطـاب=قصه قديمـه صاحبـي مانساهـا

قصة وفاء ماينقله كـل كـذاب=ولا ينقله من سكت الغـدر جاهـا

تحكي معاني خالده تشرح اسبـاب=سبت شقى قلبي وسبـت بلاهـا

واسباب خلت دمعة العين تنساب=على الخـدود وعبرتي ماقواهـا

قالوا حرام ندخل الغرب انسـاب =البنت لابن العم مهمـا وطاهـا

مانعترف بالحب لو قيـل غـلاب =نبعده عن عينه لـو انـه دواهـا

ونبني حواجز بينهم والـف بـواب=من حيث لا يقدر حبيبـه يراهـا

وبنترك المجروح مجـروح منصـاب=لو تنقذه كلمة عـزاء ماخذاهـا

قالوا تقاليـد وعـادات بكتـاب =لزمً تنفذ كـل شـيٍ حواهـا

قالوا وقالـوا واسرفوا بتقـلاب=ثم حكموا بعدام قلبٍ رعاهـا

اكتب حرام الحب ينداس بتـراب =وتمزع قلوب النقاء مـع نقاهـا

اكتب لغالينً عن الدار غيـاب=عسى الوالي يجبر عزاي وعزاهـا[/poem]




فتى الدهناء


/

’

مخلد بن ماشع
mbnmas@