وجه امى
مـادام ينبـت سنابـل قمـح وجــه أمــي
مايـوصـل الـجـوع لـوحــاول لـوجـدانـي
والـلـي يبيـهـا حــرام ان قـلـت ياعـمـي
لاضرب رصاصه بعينـي واقطـع لسانـي
ذا شعـري الـلـي تشوفـونـه وذا دمــي
من منهـم اللـي يشـرب نكهـة الثانـي؟
تظلم وأغنـي بسـرب أقمـار مـن فمـي
عاهـدت أنـا الـنـاي والـراعـي وغنّـانـي
أحيان اسمي وبعـض أحيـان مااسمـي
خـاف الشياطيـن فـي عـمـري تبـلانـي
كــم واحــد لاك(قـبـل معاشـري)ذمـي
ولانـي موصـي علـى قاصـي ولادانــي
لي دربي الخاص لي فكري ولي همي
لي ذكرياتي لي أحلامـي لـي أحزانـي
ومـازال يـشـرب ريــاح عنـادهـم كـمـي
والله لاحلـق واحـلـق وارســم الـوانـي
ماقدامـك غـبـار ياخـيـل أولــي شـمـي
بـور القصايـد وغنـي لـي عـن الجـانـي
مانيب مسبوق لي سفنـي ولـي يمـي
والنـاس مثلـي وانـا مـااقـول وحـدانـي
سليمان المانع