تـروح الشمـس واتجـر النهـار ويشتعـل مصـبـاح
ويسـكـن لحظـتـي كلـمـه مـــن الاعـمــاق نـاويـهـا
طويت اليـوم مـن شرقـة طيـوره ليـن ليلـي طـاح
وضـويــت ونـيـتـي مـســرى وعـــاده مــــا اخـلـيـهـا
سـكـونـي مـــرة ادلالــــي وعــــودي لـلـسـمـا فــــواح
عـلـى جـمـر المـبـاخـر ياهـجـوسـي راح يدعـيـهـا
تعـالـي ياسـمـا يـمـي سحـابـي يـحـتـري الـمــرواح
خـــذي بـيـديـه لـنـجـومـك وانــــا اوعــــدك لـوفـيـهـا
ابعطيهـا شعـر سجـه وحـديـث الـجـرح للمسـبـاح
وخــلــي قــصــة الـقــمــرا وحـاضــرهــا ومـاضـيـهــا
بغيت اهلالها حاجب على عين(ن)هدبها شاح
ورفــض يعـلـى علـيـه اهلالـهـا وانـكــر مسـاريـهـا
ذكــر دمـعـه طـفــت شـمـعـه ألـمـهـا للـقـلـم بـــواح
أبــكــتــبــهـــا ورددهـــــــــــا والــحـــنـــهـــا وغـــنـــيـــهـــا
تشـيـب الارض ماشـابـت قـوافـي تستـلـذ اجـــراح
عـلـى الله ويــن اوديـهـا عـلـى الله ويـــن اوديـهــا
اقــلـــب وجــهـــي لـيــمــه لــعــلــي يــمــهــا ارتــــــاح
وصـــلاه لـغـيـر وجـــه الله يـمـيـن الله ماصلـيـهـا
اخــاف الـمـوت والكـسـره وشـفـنـي قبـلـهـا ســـواح
عـلـى جـبـال الهبـايـب غتـرتـي فـوقــي مسـاويـهـا
عقـالـي فوقـهـا اسـمــي وراســـي دونـهــا يـاصــاح
وظـنــون الـــدود مـاتـعـلـى وتـفـنــا فــــي مـدابـيـهـا
انــا لــي نـيـة(ن) بيـضـا مـثـل نـيــة دعـــا فـــلاح
غـروســه قــربــت تــذبــل وخــايــف مــــن تـوالـيـهـا
تـعـب يـحـرث تـعـب يـبـذر وقيـظـه للـرجـا ذبــاح
ولاغـــيــــر الله سـبــحــانــه بـيـسـقـيــهــا ويـحـيــيــهــا
ويطيح الظل ماطـاح العزيـز ويشتعـل مصبـاح
ويسـكـن لحظـتـي كلـمـه مـــن الاعـمــاق نـاويـهـا