السلام عليكم ورحمه الله وبركاته
قصيده مشاركه
شربت فنجال المواجع من دلال الانتظار
وقدعت من تمرة ليال العمر فذاة العناه

في مجلس الدنيا تضايقني تفاكير الحصار
آخذ واكافح كل تفكير ٍ ما يجهلني خفاه

واتعبني الهوجاس في وقت ٍ صواديفه كبار
سهير ليلي يوم نومي ضيّع اعيوني وتاه!

في داخلي شوق ٍ توهّج مابرد لله وحار
سرّه سكن بين الظلوع العوج يزعجني بكاه

وسنين عمري تقطف اشواك الصبر قبل ازدهار
وغصن التفائل فالصبر مغروس يامبعد مداه

والصبر سدّه ماقوى خطر ٍ عليه الانفجار
في داخله صوت الحنين اللي صدى حزنه غشاه

وضوء التحدي والامل مهما يجي فيه انكسار
يمد لي نور الحياه ابكل موقع واتجاه

والوقت قاسي والامل موجود لكن استدار
اسايره واسايسه من شان ناخذ مانباه

مؤمن بحكم الواحد المعبود مهما الوقت جار
الله ولي الخلق ماخيّب ابد منهو رجاه

والعمر يفنى والقدر مكتوب مامنه فرار
والحظ في عيني اشوفه في محل الاشتباه

هذي هي الدنيا حظوظ ابكل معنى واختصار
والادمي لابد ياخذ ما انكتب له فالحياه
محمد مرزوق السميري