لي حول ساعه ادور إضافة موضوع 😂


المهم :


يالله انك تفرّج كربة المضيوم
ياعليمٍ جميع الخلق محصيها

نوبِ اغفي ونوبٍ مايجيني نوم
نوم عيني يخمخمها ويخطيها

ما اتواتا ماغير مع الفجاج احوم
دار أصبح بها وديار امسيها

والسبايب همومٍ وصفها معدوم
اشغلتني ولا ادري وين اوديها

كل ما اسلى غزتني مثل غزو الروم
وقام يردم على اولها .. تواليها

كنها تقول صب القوم فوق القوم
يمكن المعركة في وقت تنهيها

انتبه لاتخلي في العلوم علوم
لازم تبيدها عن بكرة ابيها

وانا مالي يكود الواحد القيوم
والي الكون والدنيا ومافيها

مولج الليل الأسود في بياض اليوم
له صفاتٍ عظيماتٍ معانيها

واسأل الله يروف بعبده المهموم
لا إلهِ سواه الناس يهديها


..

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348