السلام عليكم ورحمة الله وبركاته
قصيده مشاركة
عشنا وشفنا فالزمان التعاجيب
ناس ن تغيّر فالزمان المولي
ايامنا تنقص ويظهربنا الشيب
والرابح اللي عاش عمره يصلي
مامن ورى طرد الحياه المكاسيب
الا التعب ياللي تباها تسلي
من عاش يبغى ودها ماهو مصيب
ضايع ولاهو في دروبه مدلي
عش في حياتك حر وابعد عن العيب
وعن مايعيب امن الكلام امتعلي
احرص على اهل الطيب ياللي تبا الطيب
الطيب مثل الجدي يبقى امتجلي
خلك مع اللي من خيار الاصاحيب
بالصبر والحكمه يكون متحلي
وعليك بالتقوى وللنفس تاديب
واللي يخاف امن الولي مايضلي
وخذ لك من الدنيا دروس وتجاريب
واحفظ لسانك بالخطا لا يزلي
محمد مرزوق السميري