السلام عليكم ورحمة الله وبركاته
قصيدة مشاركه ولكم التقدير
بحر الشعر يعجبك دره ومرجانه
والشاعر الجزل ياخذ دانة منه
وكم شاعر ٍ يفتخر في نظم قيفانه
والكل منهم حسب طاروقه وفنه
من بعدها طاب جو الشعر ووزانه
وفتحت باب الجزايل بعد ما جنّه
والنصح ماهو خطا وللقول ميزانه
كل النصايح تجي كالهيل مع بنّه
ياللي تبا الخير ماتجهلك بيبانه
خلك على نهج من صلى يبا الجنه
ومسجدك لاصار قربك تسمع اذانه
لاتقصر اخطاك عنه ولا يخلنّه
وان كان تبغى رضا المعبود سبحانه
صل الرحم وانتبه للفرض والسنه
والطيّب اللي يعيش وحافظ السانه
مابين ربعه صدوق و محسن ٍ ظنه
وخلك كريم ن بشوش بوجه ضيفانه
لامن عطا مايجي في مدته منه
وخلك سنافي يصون احقوق جيرانه
بالطيب يذكر وفعله ينحكى عنه
ولا تتبع اللي مع الشيطان واعوانه
اللي دروبه على مشهاه ودّنه
واطلب من الله رب الكون رضوانه
ما انته بداري وش الايام يخفنه
محمد مرزوق السميري