الساري ،،
مشاركة بصيطة ، تلبيةً لدعوتك >>>>> مايبا الجايزة ابد ابد والبيت الأخير وش معناه؟!
الشاعر الساري بعد حط بيتين
............... في خانة التوقيع تحت الهوية
سيّس لها ساسٍ يبا ياخذ اسنين
................. عمارةٍ لأهل العقول الذكية
على قواعدها خذت حول شهرين
............... شدت بمعناها العزوم القوية
أنا وغيري من جميع الحكيمين
................ وألا البليد يقول أنا ماعلية
تحكي عن الواقع بعد عام الألفين
................ الواقع اللي ما بعد شفت زيه
وتوافقت فيها جميع المضامين
................. من يعربيٍ يعشق اليعربية
لكن يالساري زعيم الأصيلين
.................. أنا معك بالطيب قبل الحمية
قلت الصواب ولا يبا الصدق تخمين
.................... اوافقك بالراي مية بمية
أهل الظفر والطيب والعز والدين
.................... راحوا ترا ما باقٍ ألا شوية
في كل مليونين تلقا لك اثنين
...................... حقيقةٍ يامسندي واقعية
حنا بعصر مغيّرين القوانين
.................... فيه الخوي يزهد بسمعة
كثروا به المسترزقة والوراعين
.................... وراحوا هل الطولات فيه الضحية
في حكمه المخطي على الراس والعين
.................. وفي حكمه الحسنة تجازا بسية
الله يزينها من اليوم وتزين
...................... ما يملك الراعي صلاح الرعية
ردي وفا ياقاسم الليل قسمين
........................ لكن هات الجايزة والهدية
|