بيـن الحداثـه والكلاسيكـي حقيقـه! فيـه iiفـرق
مثل ماتفرق عن نسيـم الصبـح اعاصيـر iiالريـاح
والسيف: لـه طعنـه شديـده غايره,والرمـح iiزَرق
والموت في طعن السيوف وعنـد زرقـات iiالرمـاح
والـبـل: مجاهيم,ومغاتير,وصفر,شـعـل ٍ, iiوزرق
ويـوم المزايَـن قَدِّمـت ريمه,وسمحه,مـع iiسمـاح
والشعر: له موعد ويطرق خافـق العِشّـاق iiطـرق
وكـلٍّ علـى فالـه ويطلـب بالعوافـي iiوالصـلاح
والشاعر اللي بالقصايد بـارع ٍ فـي كـل iiطَـرق!
موعـود فـي دنيـاه مـع شعّـار جيلـه iiبالنجـاح
والجادل اللـي سِحرَهـا بعيونها,وإخـدود iiطُـرق!
إصخـر لهـا القيفـان يافكـري ولبّسهـا iiوشــاح
وآنا ليا منّي بدعت القـاف صـار الغـرب iiشـرق
والليل لادلهـم وعسعـس! بـرق فكـري فيـه iiلاح
إليا ضرَبت بسوط فكري! ينتشر فـي الكـون iiبـرق
وبنات فكري محتسيها فـي الزمـن مثـل السـلاح
يافـكـر سـنّـد iiللمعالي,والفخر,والمـجـد,وإرق
مادام ربَّع في هجوسـك وإعتـرض سيـد iiالمـلاح
جاتك على وضح النقا0عزّ وفخـر 0ماجـات iiدَرق
وقالت: صباح الخير0 شفت إشلون منها العطر فاح!؟
يامرحبـا باجمـل صباحاتـي عـدد مـانـاح iiوِرق
ولعيونك انت اجمل صباح الخيـر ياخيـر iiالصبـاح
يامَن خذا قلبي بكيفـي عـن رضا0ماهـوب iiسـرق
وحتى ولو هو سارقه0 مادمت انا راضـي! iiمُبـاح
ملكتني كلّي بعَـد حاصـرت قلبـي عـرق iiعـرق
اجمل حصار ٍ صـار فعـلاً0 لاصبـاح iiولاصيـاح
وفي فلسفة(علم الحروب) إن الحصار اشـدّ iiحـرق
مـن لاهـب النيران,والأمراض,والسـمّ iiالـذحـاح
وكم من حصار ٍ في زمننـا فيـه للمألـوف iiخَـرق
والواقع الملمـوس! يحكـي مايسبـب مـن iiجِـراح
لكن حصارك غير وانتـه غيـر فعـلاً فيـه iiفـرق
هذاك لو سبّـب ألـم! سبّـب حصـارك iiإنشـراح
وإختامها حيّـا الله اللـي مرويتنـي عـرق iiعـرق
اللي مسـاء الخيـر مـن فمهـا0 يغنّيهـا iiالصبـاح
عبدالرزاق
كلها رائعه
وصح لسانك وربي يحفظك
اخوك
|